Gabonen bueltan, kirol jarduera ugari izango da Zumaian. Abenduaren 24an, esaterako, areto futbol txapelketa azkarra jokatuko da kiroldegian, 9:15-13:30 bitartean.
Abenduaren 27an, aldiz, xake txapelketa izango da Alondegian. 8 eta 14 urte bitartekoek jokatuko dute 16:00etan, eta 14 urtetik gorakoen txanda izango da 18:00etatik aurrera.
Abenduaren 31n jokatuko da San Silvestre, Gabon garaiko lasterketa nagusia. 12:00etan hasiko dira haurrak, eta 12:30ean jokatuko dute helduek.