Euskaraldia Zumaian

Euskara ere gu garelako

Euskara ere gu garelako

Euskararen Egunaren atarian, Euskaraldiaren 9. eguna betetzen den honetan, zumaiar ugari hurreratu dira Kofradiara Euskaraldiko argazki ateratzera. 

Eguerdiko 12:00etan zegoen hitzordua jarrita. Ordurako makina bat herritar inguratu dira plazara, paparrean Euskaraldiko txapak zituztela. Batzuk belarriprestak ziren, besteak ahobiziak. Denak euskararen inguruan antolatu duten ariketa honetan parte hartzeko gogoz. 

Argazkia atera ondoren, Beheko plazarako bidea hartu dute trikitixa doinuek lagunduta. Uxue Alberdik idatzitako testu bat irakurri du Esti Kortak, eta kopla batzuk abestu ondoren, salda eta mokadu bat eman zaie bertaratutakoei.

Erlazionatuak

Euskara geu gara

Erabiltzailearen aurpegia

Hementxe duzue Torreberriko ekitaldian Esti Kortak irakurritako testu ederra. Hitzak Uxue Alberdirenak dira, Elgoibarko Izarra taldeak eta Elgoibar...