Dexter Fletcheren zuzendaritzapean, 70.hamarkadan Queen taldearen, eta zehazki, Freddie Mercury abeslari entzutetsuaren ibilbidea jasotzen du Bohemian Rhapsody filmak. 19:30eko saioak izango dira ostegunean, ostiralean, larunbatean, igandean eta astelehenean, eta 22:15ekoak ere bai ostiralean eta larunbatean.
Smallfoot, aldiz, haurrei zuzenduriko abenturazko komedia musikala da. Askok ukatu arren, Migo yetiak gizakiak bizi direla uste du. Gizakien arrastoei segika lagunduko du ikus-entzuleak, yetien inguruko mitoak hautsiz. Ostegunean eta igandean botako dute animaziozko filma, 16:30ean.