Adituen ustetan bi bikote hauek ziren gaurko finala jokatzeko faboritoak, baina biak ala biak kanporatuak izan ziren finalaurrekoetan. Kontsolazioko partida jokatu zuten atzo Vall d'Hebroneko frontoi luzean, eta oraingoan frantziarrak nagusitu ziren.
Goikoetxeak eta Aldazabalek irabazi zuten lehen seta (6-15), bigarrenean Patxi eta Irastorza izan ziren nagusi (15-9), eta baita ere berdinketa hausteko azken setean ere (10-9), nahiz eta gorriak 6-9 emaitzarekin aurretik izan ziren.
Gaur jokatuko dute txapelketako finala Erkiaga-Hernandez (Espainia B) eta Olharan-Etxeto (Frantzia B) bikoteek, 20:00etatik aurrera.