Olharan eta Etcheto izan zituzten aurrez aurre Goikoetxeak eta Aldazabalek. Bi set behar zituzten frantziarrei irabazteko: 15-8 eta 15-6.
Atzo jokatu zen beste partidan Frantzia A (Eric Irastorza eta Patxi Tambourindeguy) eta Espainia B (Aritz Erkiaga eta Jonatan Hernandez) neurtu ziren. Emaitza bera izan zen (15-8, 15-6), baina kasu honetan mugaz bestaldekoen alde.
Bakoitzak bi garaipen erdietsita, Espainiako eta Frantziako A taldeak dagoeneko sailkatuta daude finalaurrekoetarako, eta finalera heltzeko faborito nagusiak dira. B taldeek, berriz, Mexikoren eta Kubaren aurka gaur jokatuko dituzten partidetan jakingo dute hurrengo fasera pasako diren edo ez. Finalaurrekoak ostegunean jokatuko dira, 20:00etatik aurrera, Vall d'Hebroneko frontoian.