Ikasle Abertzaleakek deituta, 30 ikasle inguru bertaratu dira herri eskoletara eta bi gai nagusi izan dituzte eztabaidagai: borroka feminista eta ikasleen autodefentsa sareak.
Lehenik, genero zapalkuntzak egungo kapitalismoan hartzen duen nolakotasuna izan dute hausnarketagai. Bigarrenik, tailer praktikoagoa egin dute ikasleek, egunerokoan euren ikas baldintzak hobetzeko nola antolatu eta saretu daitezkeen eztabaidatu baitute. Horretarako, Iruñako Txantrea auzoan ikasten duten bi ikasleren laguntza izan dute, "beraiek euren ikastetxean zuzendaritzak ezarritako kontrol kameren aurkako borroka nola gauzatu duten azaldu baitiete Zumaiako ikasleei".
Hemendik abiatuz, Zumaian ikasleek euren ikas baldintzak hobetzeko praktikan jarri ahal dituzten eguneroko borrokak izan dituzte eztabaidagai.