Gaur goizean abiatu da Urola Kostako Udal Elkarteak sustatutako Itsasotik herrira ekimena. Askotariko ekitaldiak antolatu dituzte gaurko eta biharko, besteak beste, artisautza, erakusketak, antzerki ikuskizunak edota musika emanaldiak.
Zumaian Amaia Zinkunegiren, Aran Santamariaren eta Ander Ormazuriren erakusketa jarri dute Kofradian, eta Beduola Elkartearen eskutik, eskualdeko ontzigintzari buruzko erakusketa izan da Kofradiako plazan. Arratsaldean jarraituko du jaialdiak. Hona hemen egitaraua:
– 17:00. Batel erakustaldia ibaian.
– 18:00. Flycheko olagarroaren urratsak jarraituz: olagarro pintxoak eta txakolina. Kosta Gastronomikaren barruko ekimena.
– 22:00. Buffalo taldearen kontzertua Kofradian.