Miriam Ortega Dominguezek eta Iker Arcek zuzendutako film labur hau bere bidea egiten ari da. Datozen asteotan bi zine jaialditan erakutsiko dute. Batetik, Txilen egiten duten Fesancor film laburren nazioarteko jaialdirako hautatu dute. Jaialdi hau urriaren 22tik 29ra bitartean egingo da Txileko Zinematekan.
Bestalde, Hego Afrikan egiten duten Horrorfest jaialdirako ere hautatu dute pelikula hau. Jaialdi hau Lurmutur Hirian egingo da urriaren 25etik azaroaren 2ra bitartean.