Euskaraldiaren festa egingo da gaur Beheko plazan

Zumaiako Euskaraldia antolatzeko Batzordeak herritarrengana hurbildu eta informazioa emateko asmoz, egun osoko izen emate festa egingo da gaur. Festa Beheko plazan ospatuko da, eta eguna bi zatitan banatuko da: goizean, 11:30etatik 14:00etara, eta arratsaldean, 19:00etatik 21:00etara.

Egitaraua:

Goizean, 11:30etatik aurrera:

• Trikitilariekin kalejira Beheko plazaraino.
• Maddalen Arzallus eta Amets Arzallus bertsolariak.
• Esti Curiel eta Goizeder Iturain antzezleak.
• Zumaiako Udal Musika Banda.
• Astindu dantza taldea.
• San Pedro Abesbatza.

Arratsaldean, 19:00etatik aurrera:

• Parrazta.
• Berri Txarrak (bertsioak).
• Kuraia (bertsioak).