Edadetuak izan dira protagonista San Bartolome jaietako azken aurreko egunean. Urtero bezala, meza nagusiaren ondoren egin dute edadetuen omenaldia. Hain justu, Felix Larrañaga eta Maria Dolores Etxabe oikiarrak omendu dituzte aurten. Edadetuen bazkaria egin dute jarraian, Muniosoron.
Arratsaldean jarraituko du festak, herri kirol jaialdiarekin. 18:00etatik aurrera Irati Astondoa, Aratz Mugertza, Maika Ariztegi eta Jexux Mari Mujika arituko dira plazan. Jarraian, idi probak izango dira Arroako Etxetxoren eta Orioko Olidenen idiekin.