Jaialdiaren aniztasuna nabarmendu zuten Dardara musika kolektiboko antolatzaileek, eta bai, Euskal Herriko musika anitzaren isla izan zen jaialdia: Karter zumaiarren punk rockarekin hasi zen aurtengo Dardara Fest, Kabbalah nafarren hard rockarekin jarraitu zuen eta eguzkia ezkutatu zenean Libe arabarren erauntsia heldu zen. Vulk bizkaitarrek beraien post punk indartsuarekin zur eta lur utzi zuten entzulegoa. Deloreanen elektronikak, berriz, dantzara eraman zituen bertaratutakoak. Gau biribila izan zen atzokoa.