Aitzurin jokatuko den World Tourreko txapelketarako sarrerak astelehenean jarriko dira salgai

Aitzurin jokatuko den World Tourreko txapelketarako sarrerak astelehenean jarriko dira salgai

Jai Alai World Tourreko partidak jokatuko dira aurten ere Aitzuri frontoian. Herriko bi pilotari ikusteko aukera izango da: Imanol Lopez eta Iñaki Osa Goikoetxea.

Lehen finalaurrekoa abuztuaren 24an jokatuko da, 22:00etan eta Egiguren-Lopez eta Zulaika-Minvielle pilotariak arituko dira lanean. Bigarren finalaurrekoa, berriz, hilaren 31n izango da, ordu berean, Goikoetxea-Irastorza eta Olharan-Etcheto bikoteen artean.

Finala irailaren 2an jokatuko da. 18:00etan hasita, bi finalaurrekoetako irabazleak txapelaren bila arituko dira.

Jai Alai World Tour lehiaketarekin batera, gaztetxoen arteko txapelketa ere jokatuko da. Partiduak egun berean izango dira; lehenbizi gaztetxoenak eta jarraian, World Tourreko parte hartzaileenak, hain zuzen.

Gaztetxoen arteko lehen finalaurrekoa Kosme-Basque eta Aron-Del Rio-ren artean jokatuko da, eta bigarrena Alberro-Portet eta Laduche-Urangaren artean. Finala bi finalaurrekoen irabazleen artean lehiatuko da.

Sarrerak astelehenetik aurrera egongo dira salgai, 10 euroan, Aitzuri pilotalekuko tabernan, turismo bulegoan eta kiroldegian.