Zirkoa, musika eta dantza uztartzen dituen 'Erraia' ikuskizuna izango da gaur Odietan

Baleike 2018ko abu. 15a, 10:01

Zirkua, musika, dantza eta kultura uztartzen dituen Erraia. Izaeraren zirkoa ikusteko aukera izango da gaur, 20:00etatik aurrera, Odietan. Garazi Pascual Esnaolaren ikuskizun poetiko eta zirraragarriak ikuspuntu pertsonal bat eskaintzen du euskal emakumeaz, eta horrek tradizioan, kulturan eta inguruarekin duen harremanaz. Bizitzaren haria da ikuskizun honen ardatza, artile-haria eta kablearen haria.