baleike.eus

Aparkamendu sistemaren lehen txanpako balorazioa egin du Udalak

Baleike 2018-08-10 11:15   Gizartea

Udako lehen erdia igarota, aparkamenduen erregulazio sistemak lehen hilabete eta erdian eman duenaren lehen balorazioa egin du Zumaiako Udalak.

Egoiliar guneei dagokienez, abuztuaren hasierara bitartean jasotako datuei erreparatuz, alde zaharrean (1, 2, 3 eta 4 zonak) guztira 2.354 egoiliar txartel banatu dituela jakinarazi du, iaz baino 193 biñeta gutxiago. Poligonoetako eremua aurten erregulatu da lehen aldiz eta guztira 2.267 txartel banatu dira bertan, Udalaren datuen arabera.

Egonaldi ertain edota errotazio altuko guneen "eraginkortasuna" azpimarratu du Udalak. Bi guneetan Zumaiako Merkatari eta Ostalari elkarteak edota elkarte kide ez diren herriko hainbat establezimenduek bezeroei aparkalekua ordaintzeko hartutako konpromisoa balioan jarri du.

Kanpoko aparkalekuei erreparatuz, Saraunearen okupazio maila "oso altua" izaten ari dela nabarmendu du Udalak. Kanpoko aparkalekuak herrigunearekin lotzeko martxan dauden garraio zerbitzu publikoei dagokionez, txalupa zerbitzuaren erabilera altua azpimarratu du. Gogorarazi du herriko autobus zerbitzuak ere astelehenetik igandera, 11:00-14:00 eta 16:30-20:30 ordutegian eskaintzen duela zerbitzua herri barruan eta, horrez gain, goiz, eguerdi, arratsalde eta iluntzeko lehen eta azken zerbitzuetan auzoetaraino ere luzatzen duela ibilbidea.

Erregulazio sistemaren helburua "mugikortasun jasangarria sustatu eta herrigunean autoz egiten diren desplazamenduak gutxitzea, eta ibilgailuaren gainetik oinezkoak lehenestea" dela gogoratu du Udalak. Okupazio aldetik datuak jasotzen eta herritarren iritzi, ekarpen eta proposamenak biltzen ari dela dela azaldu dute Udaletik, “datorren urteari begira, sistemari egokitzapenak egiten jarraitzeko”.

Erregulazio sistemak indarrean jarraituko du irailaren 15era arte, Ardantzabiden eta errotazio altuko A eta C guneetan izan ezik; horietan urte osoan mantenduko da indarrean.

Erantzunak

bis 2018-08-10 14:12 Erantzuna | #1

Joan den urtean zeharo gustura ibili nintzen alde zaharrean, aurten sekulako arazoak eduki ditut foru enparantzan, angeles sorazu, arritokieta kalean aparkatzeko eta begira jarri ezkero hainbat kotxe egoiliar txartelarik gabe. Horrek ez dauka konponbiderik?

Javi 2018-08-10 14:46 Erantzuna | #2

Nere balorazioa erabiltzaile bezela oso oso oso txarra da, ezbaidaukat aparkatzeko lekurik nere auzoan (4. eremua, paol bidean)
Iaz ez genuen ordaindu ezer ez, aurten berriz 10 eurotik gora kotxe bakoitzak. Baino ordaintzeak ez du esan nahi tokirik izango dezula, ke ba! eguraldi edo turisteen edo edozein gauzen arabera
Ordun aurten 2.354 txartel alde zaharrean... eta zenbat aparkaleku daude? galdera erreza da, mezedez udaletxetik erantzun mezedez, horrela zenbat falta edo zenbat soberan (ta horrela izango ba zan -...- TAOra pasa) jakin dezakegu.
Zenbat izunak jarri diren baimenik gabe egoiliarren aparkalekuetan aparkatzeagatik ere adierazgarria da, horrela zenbat aparkaleku "falta" izan diren momento batzuetan jakin genezake.

Eta bukatzeko lehen txanpako balorazio ekonomikoa ere falta da:
sarrerak: txartelaren zerga, TAO, izunak, billeteak, etab
kosteak: soldatak, makinak, seinaleak, etab...
Aldez aurretik eskerrik asko herriari informazio zehatza ta objetiboa emango bazeniguke

Bestalde ez itxaron datorren urteari sistema hobetzeko, bigarren txanpan ere egiteko animatzen zaituztet, txanpa guztietan dana eman behar da eta...

Maite23 2018-08-11 14:13 Erantzuna | #3

Aita Mari aldean inoiz baino aparkaleku gehiago dago eta lehen egoiliarrek arazoak genituen aparkatzeko. Zein da arazoa? Lehen turistek+erdigunekoek uzten zituzten kotxeak?
Hainbeste diferentzia zona batzutatik bestera ez da normala eta ikertu beharko litzateke zenbaki zehatzekin.

AinhoaI 2018-08-24 07:54 Erantzuna | #4

Nik sistema honen inguruan honako gomendio hauek dauzkat.
Hasteko ez dut ulertzen zergaitik den beharrezkoa urtero joan behar izatea txartela eskatzera. Ez da posible urtero berriztea automatikoki zergekin gertatzen den bezela? Gainera aurtengo esperientzia txartela eskatzearen ingurukoa nire kasuan ez da izan batere positiboa. Denbora asko itxaroten egon beharra kolan eta gainera udaletxe edo trafikoko arazo bat dela eta bi aldiz joan behar izan nuen txartela lortzeko. Gainera pegatina ez zutenez (gastatu egin zirelako) hirugarren aldi baten ere joan behar izan nuen pegatina bila. Han itxaroten geunden jende asko geunden haserre sistema honekin. Gainera, eskudirutan ordaindu behar izatea bai edo bai ez zait buruan sartzen gaur egun.
Bestalde, aurten aparkatzeko arazo gehiago ditut Amaia plazaren inguruan, egoiliarrentzat aurreko urtean baino plaza gutxiago daudela ematen du eta gainera iruditzen zait ez direla multak jartzen ari egoliarrak ez direnek aparkatzen dutenean zona horietan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa