Jokatutako sei jardunaldiak irabazita heldu da Zumaia finalera. Ostiralean jokatutako seigarren jardunaldian 3 eta 0 emaitzarekin irabazi zion Zumaiak Hondarribiari. Emaitzak honako hauek izan ziren:
Kadetetan, Luken Aizpuruak eta Haritz Egañak 30-20 emaitzarekin irabazi zuten. Jubeniletan, Eduardo Agirrek eta Julen Lopezek 35-11 emaitzarekin irazi zuten, eta nagusietan, Telmo Manterolak eta Unai Urangak 35-16 irabazi zuten.
Beste norgehiagokan, Mutrikuk Donostiari irabazi zion eta, ondorioz, mutrikuarrek jokatuko dute finala. Zortea ere badute, etxean jokatuko baitituzte azken partidak.