Jordi Ribera hautatzaileak gaur eman du jokalari zerrendaren berri, eta beste behin, Bidasoako eskuin hegala aukeratuen artean dago. Deialdi honi esker, ekaina amaieran Tarragonan jokatuko den XVIII. Mediterranear Jokoetan parte hartuko du Odriozolak. Aurretik, Poloniako selekzioaren aurka lagunarteko partida bat jokatuko dute Polonian, ekainaren 13an.
Riberak, ekainaren 5erako deitu ditu 16 jokalari hautatuak. Ibizan egingo dute prestakuntza, eta hilaren 11ean Poloniara bidaiatuko dute. Handik bi egunera, Poloniako Eskubaloi Federazioaren mendeurrena ospatzeko, bertako taldearen aurka jokatuko dute lagunarteko partida bat.
Ondoren, XVIII. Mediterranear Jokoetarako prestakuntza saioekin hasiko dira hilaren 18an Madrilen. Ekainaren 21ean Tarragonara joango dira, eta hurrengo egunean hasiko dute txapelketa.