baleike.eus

Pirritx, Porrotx eta Marimototsek bideoklipa grabatu dute Erribera kaleko horma aurrean

Baleike 2018-03-12 13:59   Kultura

Pirritx, Porrotx eta Marimotots pailazoek beraien bideoklip berria grabatu dute Zumaian, non eta Euskal Herri mailan famatuenetakoa izango den horman. Kalea Guztiona Da (KGD) mugimenduarekin elkarlanean grabatu dute bideoklipa. 

Mugimendu galanta izan da goizean zehar Erribera kalean. Pailazoak, haien taldekideak, KGDko kideak eta haur eta heldu talde polita inguratu da horma parera. "40tik gora lagun bildu gara denera", adierazi digu KGDko kide batek. 

Horma horretan 60tik gora mural margotu dituen mugimenduko kideak jarri ziren harremanetan pailazoekin. "Porrotxekin hitz egin genuen. Hark kontzertuak ematen ditu eta geurera etortzeko gonbitea luzatu genion. Haien erantzunak zur eta lur utzi zituen zumaiarrak. "Esan ziguten beraien azken diskoan Kalea denona da izeneko kantu bat dagoela eta hona etorriko zirela bideoklipa grabatzera". Esan eta egin. KGDko kideek beste mural bat margotu dute eta haren aurrean aritu dira pailazoak dantzan eta jolasean. 

Erantzunak

Erabiltzailearen aurpegia Kalea Guztiona Da 2018-03-13 16:29 Erantzuna | #1

Grabaketa egunaren laburpen-bideoa hemen ikusgai: https://baleike.eus/komunitatea/kaleaguztionada...

Mila mila esker eta musu bana Pirritx, Porrotx, Marimotots, Txilipito jauna, Eli bideogilea, Gari teknikaria, Izaskun Forcada dantzari aparta, Zarauzko Txapas eta gurekin batera dantzan, jolasean, abesten... izan zineten herriko ume, gazte, eta ez hain gazte guztiei.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa