Datorren ostegunean egingo da Euskal Herri osoan Emakumeok planto greba, eta Zumaiako mugimendu feministak, horren harira, ekitaldi batzuk antolatu ditu asteburura begira.
Hala nola, bihar, martxoaren 2an, Saregile plazan, informazio txokoa jarriko dute (11:00-13:00/17:00-20:00). "Zalantzak argitzeko, informatzeko eta ekarpenak egiteko aukera ere izango da", aipatu dute.
Larunbatean, informazio txokoa Alai auzategian jarriko da 11:00etatik aurrera, eta ondoren, ekimen ikusgarria izango da.
Igandean, zaintza lanak ikusarazteko eta lan esklabuarekin amaitzeko deia eginez, performancea izango da Saregile plazan 11:00etatik aurrera. Jarraian, irratsaioa egongo da, "nahi duen orok hitza hartu dezan", esan dute.
Amaitzeko, asteburuan zehar herriko komertzio eta tabernetatik pasako dira grebara nola batu daitezkeen proposatzeko.