Eguraldi txarrak ez ditu kikildu eta eguerdirako pentsiodun eta jubilatu talde handia bildu da udaletxe aurrean Madrilgo gobernuaren pentsio politika salatzeko. %0,25eko igoeraren aurka eta pentsioetan ere KPIa igotzearen alde elkarretaratu dira beste behin ere. Astelehenero egiten ari dira kontzentrazio hauek eta egunetik egunera bertaratzen direnen kopuruak gora egin du.
Ostegun honetan beste elkarretaratze bat deitu dute, eguerdiko 12:30ean udaletxe aurrean. Printzipioz hiriburuetan egingo diren protesta ekitaldietara joatea eskatzen dute, baina ezin dutenak Donostiara joan, herriko udaletxe aurrean bilduko dira.