baleike.eus

Elkarlanerako lekua izango den Open Lab Urola Kosta zabaldu da

Urola Kostako Udal Elkartea 2018-02-08 13:03   Gizartea

Urola Kostako Udal Elkarteak astelehenean aurkeztu zuen Open Lab Urola Kosta, elkarlanerako tokia.

Open Lab Urola Kosta elkarlanerako lekua da, nahi duenarentzat ateak zabalik dituena; esperimentatu, ikertu eta sortzeko lekua, teknologia digitalak, makina eta erremintak eta prototipoak egiteko eta azkar fabrikatzeko makinak erabiliz. Dibulgaziorako lekua ere izango da, tailerrak, ikastaroak eta workshopak antolatuko baitira. Horretaz gain, partekatzeko eta sortzeko lekua da, DIY filosofian oinarrituta (do it yourself, egin zerorrek). Amaitzeko, ekintzailetza sustatzeko lekua ere bada, ezagutzak, asmoak eta ideiak partekatu eta ideia berriak garatzeko.

Astelehenetik aurrera dago zabalik ordutegi honekin: astelehenetik ostiralera 17.00-21:00; larunbatetan 10:00-13:00.

Informazio gehiago hemen.

Erantzunak

Erabiltzailearen aurpegia Imanol Azkue 2018-02-09 07:46 Erantzuna | #1

Oso ekimen interesgarria eta txalogarria. Baina zergatik ingelesezko izena? Zergatik ez euskaraz, eskualdeko eta eskualderako ekimena izanda? Badirudi hemen norbait edo zerbait izateko ingelesez bataiatu beharra dagoela, eta zenbat eta ingelesezko hitz gehiago erabili (open lab, workshop, do it yourself...), orduan eta aurrerago zoazela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa