baleike.eus

'Euskara, bestela ez gara' zikloak Euskaraldia izango du oinarri

Baleike 2018-02-07 13:11   Euskara

Otsailaren 14an hasiko da aurtengo Euskara, bestela ez gara zikloa. Aurtengo ekimenak lau saio izango ditu, eta Euskaraldia izango da bere oinarria. Lehen saioa datorren asteazkenean izango da, hilaren 14ean, Alondegiko Oxford aretoan. 

Udaleko Euskara Zerbitzutik adierazi dutenez, Euskaraldia izango da aurtengo zikloaren oinarria eta lau saioetatik hiru, Kike Amonarrizen hitzaldia eta Euskaltzaleen Topaguneak gidatutako bi lan saioak, horren inguruan joango dira. Aurrez, euskarak Zumaian azken urteotan izan duen bilakera eta egungo egoera aurkeztuko ditu Imanol Azkuek. 

Egutegia

Otsailak 14: Euskara gara Zumaian, Imanol Azkue Ibarbia.

Otsailak 21: Euskarak 365 egun Zumaian, Kike Amonarriz.

Abiatze saioak, Euskaltzaleen Topaguneak bideratuta:

Otsailak 28: Prest?

Martxoak 7: Goazen!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa