baleike.eus

Itzurungo hormaren zatia azaleratu da

Baleike 2018-01-26 11:53   Gizartea

2016ko udazkenean zalaparta galanta sortu zen herri mailan Game of Thrones telesailaren grabaketarako Itzurungo hondartzan zegoen hormatxoa kendu zutelako. Egun batzuk geroago horma hori kentzeko izan ziren arrazoien berri eman zuten ekoizpen etxeak eta instituzioek. Urte eta erdi geroago, horma horren beste zati bat azaleratu da Itzurunen. 

Kantauri itsasoa kolpatu duten azken denboraleek hondar mordoa eraman dute Itzurun hondartzatik, eta horrekin batera agerian geratu da horma zati bat (baita putzuzuloa sortu ere). Bertaratutakoen harridura sortu zuen horrek: horma berria egin ote dute?

Foru Aldundiko arduradunekin harremanetan jarri gara eta azaldu digute, bere momentuan, petrila kendu zutenean, hondarraren kotaraino jaitsi zirela, bertako berezko harri geruzarekin topo egin arte, eta hormaren zati hau petril haren oinarria izan daitekeela, mareak ekarri eta eramaten duen hondarraren arabera bistatu ala estaltzen den zatia. Printzipioz, horma hori kentzeko asmorik ez dutela ere gaineratu dute. 

Erantzunak

Xobi 2018-01-26 17:38 Erantzuna | #1

Nola ez dutela kendu behar? Alkate jauna, aurrekoan kentzeko emandako arrazoia gizakiak egindako pareta zela eta horregatik kendu zela, beraz oraingoan ere kendu beharko zenuke, ez? Edo bestela gezurra esan zendula errekonozitu, nahiz eta hori guztiogandik jakina da. Arrazoi lotsagarria izan bait zen.

axular 2018-01-26 23:23 Erantzuna | #2

Alkatia beti gezurretan, orain konturatu Xobi?
Aurrekoan bere patrika betetzeko egin zuen gaur egun Altuna &Uria enpresarekin egiten duen bezela, aztertu gaia mesedez.

Xobi 2018-01-27 14:59 Erantzuna | #3

Gauza bat da gezurra esatea eta beste Bat tontotzat hartzea jendea.

Erabiltzailearen aurpegia Йон Урбиета 2018-01-28 11:16 Erantzuna | #4

XOBI, bere garaian bilera bat egin zuten herritarren kezka zela eta hauen zalantzak argitzeko, eta bertan esan zutenez horma honen kostua GOTeko produktorak ordaindu zuen nahiz eta Costaseko zuzendaritzak esan horma honek gaur egun ez zuela inolako eginkizunik. Beraz orain, norbaiti asko molestatzen badio eta partikularren bat dirua jartzen baldin badu geratzen den horma zatia botatzeko, ez izan zalantzarik egingo dutela. Ulertu ordea gaur egun Udaletxeak badituela beste lehentasun batzuk dirua gastatzeko garaian, nire uste apalean.

pagotxa 2018-01-30 12:03 Erantzuna | #5

Йон Урбиета

Hobe argitaratutakoa arretaz irakurriko bazenu, olioa goitik behera igurtziz, alkatearen defentsa sutsuan atera baino lehen. Biotopoko arduradun diren Aldundiko teknikariek esandakoa (Baleikek jarri du esteka) hauxe da:

"Antolamendu planak tramankuluak eta zentzurik ez duten hondakin industrialak kentzea jasotzen du", gaineratu du XXXXXk. "Ikusi genuen tramankulu bat besterik ez zela eta ingurunea distortsionatzen zuela. Hau kenduta ingurunea lehenera ekartzen da"

Hortaz, argudio berbera erabilita, bere garaian zentzurik gabeko eta distortsioa sortzen zuen tramankulua bazen, gaur egun ere soberan dagoen tramankulua izango da, ezta? Eta ingurunea leheneratzeko nahitaez kendu beharrekoa, ezta? Bestela nola sinistu orduan kentzea, eta orain azaleratu dena bertan uztea.

Beharbada, goi-mailan dituzun kontaktu horiek erabilita durduza argituko diguzu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa