Oraindik ere abisu horian aurkitzen garen arren, bart gaueko haizeak ez du aparteko kalterik eragin Zumaian. Udaltzainen arabera, "kalte txikiak izan dira, ezer larririk ez”.
Eguzkia ateratzearekin batera, lehenengo kalteak ikusi ahal izan dira. Batez ere, zuhaitz eta farola apurtuak, eta adreiluen erorketak egon dira. Adibiderik esanguratsuena Estazioko kalean gertatu da. Bertan, zuhaitz bat erditik apurtu da, eta aldameneko farolaren argiteria guztia erori egin da. Udaltzainek kontatu dutenez, 06:30ak aldera joan dira eta ingurua jasota eta txukunduta aurkitu dute.