'Asesinato en el Orient Express' eta 'Hurrak eta lapurrak 2' pelikulak emango dira Aita Marin

Astea jaiegunez beteta datorrela eta, bihartik astelehenera bitartean (ostegunean izan ezik) zine saioak izango dira Aita Marin. Bi pelikula emango dira: Asesinato en el Orient Express helduentzat, eta Hurrak eta lapurrak 2 marrazki bizidunen filma haurrentzat. 

Kenneth Branaghek zuzendutako Asesinato en el Orient Express honako egunetan emango da: asteazkenean, ostiralean, igandean eta astelehenean (ikuslearen eguna), 19:30ean; larunbatean 19:30ean eta 22:15ean.

Hurrak eta lapurrak 2 (hemen trailerra), aldiz, ostiralean eta igandean emango da, bietan, 16:30ean.