Aurten ere autobusa izango da Zumaiatik korrikalariak Behobiara eramateko eta, behin lasterketa amaituta, parte-hartzaileak etxera ekartzeko. Busa goizeko 7:30ean aterako da Txomin Agirre kaiko autobus geltokitik. Izenak Lubaki kiroldegian eman daitezke (943 862 021).
Igande honetan korrituko da 53. Behobia-Donostia lasterketa. Izen-ematea aspaldi itxi zen eta parte hartuko duten milaka korrikalariren artean (31.276 guztira), Behobiako irteera puntuan izango dira Zumaiako korrikalariak ere. Zehazki, 51 dira aurtengo lasterketarako izena eman duten zumaiarrak.