Ikasturte honetako lehenengo familia irteera izan zen atzo Oñatiko Arrikrutzera egin zutena. Haur eta helduek osatutako taldeak, 36 danera, lehen gizakien garaiko bizimodua, animaliak... ezagutzeko aukera izan zuten.
Bestalde, euri urak Euskal Herriko mendien barrenean sortzen dituen zuloak aurrez aurre ikusteko aukera ere izan zuten. Eguraldi kaxkarra izan bazen ere ederki pasa zuten. Goxo-goxo bazkaldu ondoren Zumaiara itzuli ziren, eta hurrengoa noiz izango den irrikaz joan ziren familiak.