Gizonezkoetan, gorengoen mailan, Zumaiakok bere taldeko lidergoan jarraitzen du etxetik kanpo Ordiziaren aurka 0-0 berdindu ondoren. Zumaiarrak 7 puntu dituzte sailkapenean. Jubenilek 3-2 irabazi zieten Ilintxari eta seigarren daude sailkapenean 6 punturekin. Kadeteetan, lehen mailan, Zumaiako Ak 2-0 irabazi zion Lengokoaki eta laugarren da bere multzoan 4 punturekin. B taldeak, berriz, 1-3 irabazi zion Trintxerperi eta bere taldeko lidergoan dago 9 punturekin. Ohorezko mailako infantilek ere garaipena erdietsi dute, Lengokoaken aurka, 2-3 emaitzarekin eta laugarren jarri dira sailkapenean.
Emakumezkoek ere emaitza bikainak lortu dituzte jardunaldi honetan. Lurralde mailako Zumaiakok 1-0 irabazi dio Goierri Gorriri eta sailkapeneko bigarren postuan dago, lidergoan dagoen Lagun Onakekin sei puntura berdinduta. Lehen mailako kadeteak ere liderrak dira bere multzoan, 6 punturekin, Aloña Mendiri 2-4 emaitzarekin irabazi ondoren.