Gaurko irekiera ekitaldian 2017-2021 Plan Estrategiko berria aurkeztu dute, Gure baloreak, gure balioa lelopean. Ikasturte berriko erronkak ere aipatu dituzte, besteak beste, hezkuntzako gainontzeko eragileekin lantzen ari diren Hezkuntza Itunean aurrerapausoak egitea, "bikaintasunera bideratutako hezkuntza sistema lortzeko".
EAEko kristau eskolaren barruan 131 ikastetxe, 8.000 hezitzaile eta 90.000 ikasle daude.
Sindikatuen elkarretaratzea hitzarmen berri baten eske
ELA,LAB, Steilas, UGT eta CCOO sindikatuek elkarretaratzea egin dute ikastetxearen parean, Cristina Uriarte hezkuntza sailburuari eta Kristau Eskolako zuzendaritzari lan baldintza duinak eta hitzarmen berria eskatzeko. Garbi utzi dute protestaren jomuga ez zela Maria eta Jose ikastetxea, sektoreko arduradunak baizik.