Bi partidaz osatzen da jaialdia. Lehenbizi, afizionatu mailako partida jokatuko dute Donostiako eta Gasteizko bikoteek. Jarraian, partida nagusia jokatuko dute Egiguren eta Gotzon Enbil zumaiarrak, Olharan eta Inzaren aurka.
Masters Serieseko jaialdi denetan egingo den bezala, marmitakoa eta txakolin edo sagardoa emango zaie bertaratzen direnei.
Sarrerak Lubaki kiroldegian daude salgai, 12 euroan. Ostiralean bertan frontoiko leihatilan izango dira salgai, 19:30etik aurrera.