Lan ederra egin zuen pasa den igandean Telmo Deunek. Bigarren izan zen Plentziako banderako bigarren jardunaldian, denboraldi honetan egindako emaitza onena lortuaz. Emaitza horri esker, zumaiarrak sailkapeneko laugarren postuan sailkatu ziren. Hiru estropadaren faltan bosgarren dagoen Getaria lau puntura dute eta seigarren den Deustu, zortzira.
Ari da bukaerara heltzen KAE 1 liga, hiru estropada bakarrik falta direlako. Hurrengoa Hondarribian izango dute zumaiarrek, igandean (17:30). Azkeneko biak Zarautzen (abuztuaren 19an, 12:00etan) eta Bilbon izango dituzte (abuztuaren 20an, 17:00etan).
