baleike.eus

Lertxundiren kontzertuan zaratarekin izan zen arazoagatik barkamena eskatu du Udalak

Baleike 2017-07-24 15:12   Kultura

Benito Lertxundiren kontzertuan tabernako zaratak eragindako eragozpenengatik barkamena eskatu eta etorkizunari begira konponbidea emateko aukerak aztertuko dituela adierazi du Udalak. 

Lertxundiren kontzertuan zaratarekin izan zen arazoagatik barkamena eskatu du Udalak
Larunbatean eman zuen kontzertua Lertxundik Aitzurin. | Ikusi handiago | Argazki originala

"Pilotalekuan egin den lehen kontzertua izan da Lertxundirena. Bertako azpiegiturak egokiak iruditu zitzaizkigun maila honetako kontzertu bat eskaintzeko, herrian edukiera handiena duen lekua baita, baina ez genuen uste tabernak horrenbesteko eragina izango zuenik", adierazi dute Udaletik. Etorkizunera begira, larunbatean gertatutakoari konponbidea emateko aukerak aztertuko dituela ere azaldu du Udalak.

Zumaiako Udalak eta Bazterrak Musika promotorak bidalitako prentsa oharrean zumaiarrek kontzertuan zehar izandako jarrera eta erantzun beroa goraipatu dituzte. Benito Lertxundiri eta bere taldeari ere eskerrak eman nahi dizkiete, baldintza horietan kontzertu eta gau paregabea eskaintzeagatik.

 

 

Erantzunak

gadget 2017-07-24 17:53 Erantzuna | #1

Duela gutxi udalak akordioa egin du Maria eta Joserekin, urtero diru kopuru bat (dexente zela esango nuke) ordaindu eta eskolako azpiegiturak erabiltzeko. Zer zentzu du akordio hori egin eta lehenengo kontzertu handia frontoian antolatzeak maria eta joseko aretoan antolatu ordez? Orduan zertarako da ba akordioa? Ez dut ulertzen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa