Gaur errioan jokatutako estropadan lan ona egin du Zumaiak. Bikain egin diote lanari Francesen mutilek, bandera garesti saltzeko helburuarekin. Lehen bi ziabogetan onenen pare ziren, Donostiarrarengandik segundo bakarrera, baina lan erdietatik aurrera ezin izan diote erritmoari eutsi eta azkenean bosgarren bukatu dute zumaiarrek. Aurretik sailkatu dira Donostiarra, Santurtzi, Deustu eta Zarautz.
Estropada errioan jokatu behar izan da, barrako lanak uste baino gehiago ari direlako luzatzen. Arranpla paretik ibaian gora abiatu, itsas kiroldegiaren parean ziaboga eman, gero Kresala aldera jaitsi, eta horrela bi buelta, Arranpla parean bukatzeko. Lau ziabogako estropada, beraz.
Datorren asteburuan bi estropada izango dituzte: larunbatean Donostian eta igandean Nafarroa aldean, Aiotzeko urtegian (Lerate).
Zumaiako Bandera
1. Donostiarra (19:11,56)
2. Santurtzi (19:13,66)
3. Deustu (19:27,82)
4. Zarautz (19:27,94)
5. Zumaia (18:28,50)
6. Getaria (19:34,34)
7. Pedreña (19:36,30)
8. Lekittarra (19:40,46)
9. Arkote (19:46,42)
10. Portugalete (19:50,64)
11. Orio (19:50,74)
12. Hondarribia (20:01,24)
Sailkapen nagusia
1. Donostiarra (47 puntu)
2. Santurtzi (44)
3. Lekittarra (34)
4. Zumaia (33)
5. Deustu (32)
6. Zarautz (32)
7. Getaria (24)
8. Pedreña (20)
9. Orio (15)
10. Arkote (13)
11. Portugalete (13)
12. Hondarribia (5)