baleike.eus

Erribera kalea kotxerik gabe

Baleike 2017-06-15 17:43   Gizartea

Testuarekin batera doan argazkia ez dago goizeko 6retan aterata, 11etan baizik eta aspaldi ezagutzen ez genuen irudia aurkitu dugu: Erribera kalea (ia) kotxerik gabe. Zamalanak egiten ari ziren kotxe, furgoneta edo kamioiak izan ezik, beste ibilgailuek ezingo dute kale honetan sartu. 

Aparkalekuak arautzeko sistema indarrean jarri den egun berean, Erribera kalea oinezkoentzakoa bihurtu da. Astelehenetik larunbatera zamalanak egin ahal izango dira, 08:00etatik 12:00etara. Enkarguren bat egin nahi eta kotxean hurreratzen direnek moilako errotazio azkarreko gunean aparkatu ahal izango dute beraien kotxea.

Beraz, hemendik aurrera kale honetan sartzea izango duten gurpildun tresnak, aurren kotxeak izan ezik, noski, bizikletak eta patinak izango dira. Hauek, baina, erdiko bidetik joan beharko dute, ez espaloietatik.

Erantzunak

zakatu 2017-06-16 17:23 Erantzuna | #1

TAO sistema, eskatzeko ezin ahal da gauza errazago egin. Batzuk egun guztirako lan ordua daukagu, eta ez da erraza bulegoa itxi baino lehenago bertara heltzea.
Hemen ikusten da udaletxearen jarrera. Zergaitik ez da larunbatetan ireki bulegoa, jakinik denbora gutxi izan dela eskaerak egiteko. Utzikeria.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa