'Urola Kosta eskualde sortzailea' azterketaren eta ekintza-planaren aurkezpena egingo da bihar Urola Kostako Udal Elkarteak Zarautzen duen egoitzan, 16;30etatik 18:00etara.
Egitasmo honen helburua da Urola Kosta eskualdean Kultura eta Sormenezko Industria alor ekonomiko sendo gisa garatzea. Horretarako, Urola Kostako eskualdean Kultura eta Sormenezko Industrietako ekoizleek dituzten gaitasunak eta balio-kateak identifikatu eta horien garapena sustatu nahi da. Hori dela eta, 2017an zehar Kultura eta Sormen Industria alorreko eragile, profesional eta enpresekin elkarlanean eskualdeko sektore-azterketa egin da eta, horren ondotik, sektorea indartzen eta profesionalizatzen lagunduko duen ekintza-plana zehaztu da.
Informazio gehiago hemen.