Eguerdiko 12:00etan omenaldi ekitaldia egin da Aita Marin. Lau taldeetako jokalariak atera dira zelaira bertaratu direnen txalo artean. Jende asko inguratu da gaurkoan herriko futbol zelaira.
Zumaiakoko jokalariak Zure irria, gure indarra! Beti zurekin, Jondo! lema zuen pankarta eraman dute eskutan. Bitartean, nesken taldeko jokalariak ere zelairatu dira eta haien artetik pasa dira Jonen aita, Luis, eta arreba, Amaia. Behin zelai erdian aurresku bat dantzatu da beraien omenez eta Zumaiakoko eta Realeko kapitainek klubetako ikur bana eman dizkiete. Luis Dominguezek eskerrak eman nahi izan dizkie bertaratutakoei semearen kamiseta erakutsiaz. Une horietan malkoak eustea zaila izan da.
Zumaiakok eta Athleticek jokatu behar zuten ondorengo partida eta hasi aurretik minutu bateko isilunea gorde dute. Hala amaitu da omenaldi ekitaldia.
![[BIDEOA] Jon Dominguezen omenezko aurreskua](https://ukt.tok-md.com/argazkiak/cRh/cache/20170527_120412_tokikom_735x413.jpg)