Herriko ikastetxeetara oinez edo bizikletaz joateak abantaila ugari ekartzen ditu haurren osasunerako, haien autonomia garatzeko eta baita garraiobide motordunek sortzen duten kutsadura murrizteko ere. Hortaz jabeturik, Zumaiako Udala eta Zumaiako Herri Eskolako eta Maria eta Jose Ikastetxeko guraso elkarteak batera Zumaiako Eskola Bidea izeneko proiektua bultzatzen ari dira.
Goizeko 11:00etan Projekta Urbeseko ordezkarien hitzaldia eskainiko da guraso eta senideentzat. Bestetik, Algorri zentroko hezitzaileekin haurrei zuzendutako irteera gidatua burutuko da 11:00etatik 13:00etara eta irteera honetan bidea ezagutzera emateaz gain, garraiobide iraunkorrak erabiltzearen abantailak landuko dira.
Irteeran parte hartzeko izena ematea gomendatzen da 943143100 telefonora deitu edo info@algorri.eus helbidera idatziz.
“Eskola Bideak" proiektuaren helburua da eskola zein herriko bideak lantzea eta mugikortasun ohitura osasuntsuak sustatzea, zumaiar guztiak, autoaren erabilera gutxituz, autonomia eta segurtasun osoz, oinez, patinetez, bizikletaz, autobusez… mugitzeko aukera izan dezaten.