baleike.eus

'Musika modan' udaleku musikaletarako izen-ematea zabaldu dute

Baleike 2017-05-09 14:57   Kultura

Uztailaren 17tik 28ra bitartean egingo dira aurten udaleku musikalak. Berrikuntza bezala, Sapere Aude Sinfoniettak antolatuko ditu aurten Musika modan izeneko udalekuak. Izen-ematea dagoeneko zabalik dago. 

HH2 eta LH6 bitarteko haurrei zuzendutako ekimena da, "musika ikasten dutenentzat eta ez dutenentzat ere bai". Uztailaren 17tik 28ra bitartean emango dira, 9:30etik 13:30era eta Zumaiako Musika Jaialdiaren aurre-jarduera bezala ikusten da. 

Udalekuei izena ematen dien Musika modan hitz-joko bezala ikusten dute antolatzaileek: "musika beti modan dagoelako eta moda munduan izan dezakeen eragina adierazteko ere". Zenbait lanketa egingo dira: "Kamixeta tailerra, Musikari tailerra, Abesbatza tailerra, Dantza tailerra, Isiltasun eta entzumen, tailerra, Mindfulness... Helburua moda desfile bat egitea izango da, non gaztetxoek egindako lanak erakutsiko dituzten: batzuek musika zuzenean egingo dute, beste batzuek abestu eta beste batzuek desfilatu egingo dute musikan oinarritutako lanak erakutsiaz".

Izenak Alondegiko lehen solairuan emateko aukera dago (astelehenetik ostiralera, 9:30etik 14:00etara), 943 861 056 telefonora deituta edo kulturetxea@zumaia.eus. Matrikularen prezioa 85 euro izango da; 65 euro familia ugarien kasuan. Izenak emateko epea ekainaren 16ra arte izango da zabalik.

Erantzunak

Baleike 2017-05-09 15:20 Erantzuna | #1

Hasiera batean bidalitako informazioan eta kartelean akats bat zegoen adin tartean. Aldatu eta informazio zuzena jarri dugu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa