Beteranoek Hondarribiko traineru jaitsiera irabazi dute

Hondarribiko XVII. traineru jaitsiera jokatu zen larunbatean. Senior mailako traineruak izan ziren lanean, emakumezkoak eta gizonezkoak, baina baita beteranoak ere. Eta maila horretan nagusi izan ziren Zumaiako arraunlari beteranoak.

Orain bi aste Orioko traineru jaitsieran egin zuten bezala, zumaiarrak nagusi izan ziren Hondarribian. 16:01,24 denborarekin. Atzetik sailkatu ziren Fortuna, Zarautz, Getxo Arraun eta Ibaialde.