Alegazioak eta iradokizunak aztertu ondoren, eman zitzaion behin betiko onarpena plan honi. Pasa den irailean iragarri genuen bezala, Ardantzabide zonaldi desberdinetan banatuko da aparkalekuei dagokionez.
1. zona bertakoentzat izango da eta etxebizitza hauetan bizi diren pertsonentzat gordetako zona izango da: Ardantzabidea 1, 3, 5, 7, 9, 11, 13, 15, 17, 19, 21, 23, 25 eta 27; Ardantzabidea 2, 4, 6, 8, 10, 12, 14, 16; San Telmo 13, 15, 17, 19, 21, 23, 25, 27, 29; San Telmo 10, 12, 14, 14bis, 16, 18, 20, 20bis, 22, 24, 24bis; Harategi kalea 1, 3, 5, 7, 9, 11, 13, 15, 17, 19, 21, 23, 23bis, 25; Harategi kalea 2; Zunbillo kalea 1; Zunbillo kalea 2, 4, 6, 8, 10, 12; Kale Nagusia 1, 3; Foruen enparantza 1, 3, 5.
Edonork aparka dezake 08:00etatik 20:00ara, 20.00tatik aurrera zona honetan gehienez 3.500 kilo, 2,1 metroko altuera eta 5 metroko luzeko ibilgailuek aparkatu ahal izango dute.
2. zona aparkaleku librea izango da eta bertan edonork izango du aparkatzea.
3. zona mugikortasun urriko pertsonentzat gordeko da. Ezinduentzako Europako Aparkatzeko Txartela duten ibilgailuek bakarrik aparka dezakete. Plazak bertikalean eta horizontalean seinaleztatuko dira, behar bezala.
Lehen zonalderako, etxebizitza bakoitzeko bi egoiliar-txartel eman ahal izango dira. Bereizgarriaren balioa urtebetekoa izango da, eta hori duten ibilgailuek honako baldintza hauek bete beharko dituzte:
- a) Ibilgailuaren titularra Zumaian erroldatutako pertsona fisikoa izatea eta dagokion 1. zonan sartutako etxean bizitzea benetan edo izatez. Probintziako Trafiko Buruzagitzak emandako zirkulazioko baimenean agertzen den pertsona hartuko da ibilgailuaren jabetzat.
- b) Ibilgailua Zumaiako Trakzio Mekanikoko Ibilgailuen gaineko Zergaren erroldan alta emanda egotea eta aurreko ataletan adierazitako titulartasuna eta helbidea bat etortzea. Gainera, zerga hori ordainduta eduki beharko da.
- c) Zumaiako Udalak jarritako trafiko isunik izanez gero, hori ordainduta izatea.
- d) Dagokion ordenantza fiskalean egoiliarrentzako bereizgarria lortzeko jarritako tarifa ordaintzea.
Udaldiko bereizgarria eskuratzeko aukera ere izango da 1. zona horretan, honako baldintzak betetzen badira.
1. zonan udaldian aparkatzeko bereizgarri hori lortu nahi duten pertsonek ondorengo baldintzak bete beharko dituzte:
- a) Araututako 1. zonaren mugapean inskribatuta dagoen etxebizitza baten jabe edo errentari izatea.
- b) Ibilgailuaren jabe izatea.
- c) Udalak jarritako trafiko isunik izanez gero, hori ordainduta izatea.
- d) Dagokion ordenantza fiskalean udaldiko bereizgarria lortzeko jarritako tarifa ordaintzea.
Ardantzabiderako plan berezia hemen duzue bere osotasunean. Bertan azaltzen da zer dokumentazio aurkeztu behar diren, bete beharreko baldintzak eta ezarri daitezkeen isunak.