Erlojuaren aurkako estropada izan da gaurkoa. Lehen txandan aritu dira Patxi Francesen mutilak, Portugalete, Tiran eta San Pedrorekin batera. Portugalete ordua baino lehen atera da eta hamar segunduko zigorra jarri diote epaileek. Bizkaitarren arratsa penagarria izan da: bigarren ziaboga estriborretik hartu dute eta 40 bat segundu galdu dituzte. Hirugarren luzean, amore emanda, atzetik abiadan zetorren Tirani ez dio pasatzen utzi eta azkenean deskalifikatu egin dute epaileek. Beraz, punturik ez dute gaur gehitu horiek.
Ez da estropada honetan jarritako zigor bakarra izan: bigarren txandan, Cabori hamar segunduko zigorra ezarri diote epaileek, Portugaletek bezala, ordua baino lehen ateratzeagatik. Zigorra medio, estropadaren amaieran Zumaiaren atzetik kokatu dira galiziarrak.
Orioko estropadaren ondoren, sailkapeneko azken postuan jarraitzen du Zumaiak, 7 punturekin, baina Portugaleterengandik puntu bakarrera. San Pedro ihes egin du gaurko estropada onaren ondoren: 13 punturekin daude pasaitarrak.
Lidergoan jarraitzen duena Unai Osa Zumaiako patroia da, 6 punturekin.
Bihar, 12:00etan, V. Eusko Label bandera jokatuko da Donostian.