Astindu Dantza Taldeko kideen agurrarekin hasi zen ekitaldia. Ondoren, Beheko Plaza Abesbatza, Maialen Velarde eta Maddalen Arzallus, Zutrik Zumaiako Trikitilari Taldea, Mikel Markez, Julen Izarra, Nagore Aizpurua, Marixi Sesma eta Uhin Loiola eta AGE abeslari eta taldeak igo ziren oholtzara. Hasi bezala, Astinduren koreografia batekin amaitu zen ekitaldia.
Ekitaldian zehar gogoratu zen bezala, bertan jasotako diru guztia Donostian abian jarritako Zaporeak proiektura bideratuko da oso-osorik eta zuzenean, bitartekaririk gabe. Proiektu hau janaria banatzen ari da Kios irlan eta, gaur egun, bertan dira Zumaiako joandako gazte batzuk, laguntzen.
Ekarpen ekonomikoa egin nahi dutenentzat, kontu korrontea ere zabaldu du Errefuxiatuen Zumaiako Harrera Taldeak. Hemen duzue zenbakia:
ES2430350037470370050252 (Laboral Kutxa)