Erraldoia, izan ere, Ben-Hur klasikoaren garaian erabiltzen zen formatoa berreskuratu du Tarantino zinegile eta zinezale porrokatuak bere azken pelikula honetarako. Kontua da ia inon ezin dela formatu hori bere horretan ikusi eta hemen, Zumaian, ohiko pantaila zabalean ikusiko dugu.
Ikuskizuna borobiltzeko, jatorrizko hizkuntzan (azpitituluekin) emango da Mendebalde urruneko paisaia elurtuetan girotutako lan hau. Hala, Samuel L. Jackson, Jennifer Jason Leigh eta Kurt Russell aski ezagunen ahotsekin txunditzeko aukera izango da.