Zumaiako Ernai pasa den igandean hasi zen motorrak berotzen Gaztetxean eman zen Gure kabuz ala hil dokumentalaren proiekzioarekin. Ostiral honetan, berriz, Gazte Danbadaren aurkezpen festa egingo da Gaztetxean bertan. 20:00etan hasiko da eta bertako produktuekin prestatutako luntxaren ondoren, kontzertuak izango dira: Jone, Deiadar eta mikro irekiak.
Martxoaren 12an, larunbata, 10:00etatik aurrera sorkuntza tailerrak egingo dituztela ere iragarri dute.