Bere adierazpenetan, lau puntu detailatu ditu Mujikak: "Bat, sentsibilitate guztiei hitza eman behar zaie, eta bi, guztiok geure erantzukizuna beregain hartu behar dugu. Hori ezinbestekoa bihurtuko da eta hor garbi geratuko da denek ez dutela erantzukizun berbera". Zentzu horretan, Fundaziotik eskerrak luzatu nahi izan zaizkio Iñigo Urkullu Lehendakariari orain hilabete batzuk 200 biktimen aurrean esandako hitzengatik. Topaketa hartan, Urkulluk onartu zuen erakunde publikoek ez zutela behar bezalako sentsibilitaterik erakutsi biktimekin bere garaian eta barkamenak eskatu zituen.
Aurreko biez gain, beste bi puntu azaldu ditu bozeramaileak: "errugabe diren biktima guztiekiko errespetua, orain eta baita gero ere, eta azkenik, eta hau azpimarratu nahi nuke, bizikidetzaren alde egiten ari diren lan izugarriak eskertzea biktima askorik. Eskertu, txalotu eta babestu horretan ari diren pertsonei eta erakunde guztiei".
Joxe Mari Kortaren Bidetik Fundazioak bakearen alde lan egiten jarraituko duela esanaz amaitu ditu bere hitzak.