Sobiet Batasunaren eta haren izotz gaineko taldearen istorioa kontatzen du Gabe Polskyren dokumentalak. Red Army izenarekin ezagutzen zuten garai hartan taldea, eta Sobiet Batasunaren ikur nagusietako bat izatera heldu zen mundu osoan, eta herrialdearen gizartearen, kulturaren eta politikaren ispilu.
Taldeko kapitain izandakoaren bidez kontatzen dute istorioa: Slava Fetisov heroi nazionala izan zen, baina, gero, etsai politiko gisa zigortu zuten. Gerra Hotzaren erretratua da filma, Sobiet Batasunaren handitasunaren eta haren gainbeherarena.