Hasiera batean liztorren multzo bat osatu zela uste zuten bizilagunek, baina erleak zirela ohartzean, Xabier Elola erlezainari deitu zion Udaltzaingoak. Argizarizko xafla batzuk zituen kaxa bat jarri zuen eta pixkanaka, erreginari jarraituaz, erleak kaxa barrura sartu ziren. Sara Utrerak pasa dizkigun argazkietan ikusi daiteke erlauntza eta erlezainaren lana.
Zumaiako beste toki batzuetan ere agertu dira erlauntzak azken aldian. Atzo bertan herri eskolatik ere kendu zituzten. Erlezainaren ustetan, zerbait normala da udaberrian.