Udal hauteskundeak 2015

Udal hauteskundeetako debatea egingo da ostegunean, Baleikek antolatuta

Aurreko udal hauteskundeetan bezala, aurten ere alkatetzara aurkezten direnen arteko debatea antolatu du Baleikek. Ostegunean, maiatzaren 14ean egingo da, 18:30ean, Alondegiko Oxford aretoan. Bertaratu ezin dutenek streaming bidez jarraitu ahal izango dute zuzenean baleike.eus web gunean.

EH Bilduko eta EAJ-PNVko hautagaiek, Alex Olidenek eta Oier Kortak, hartuko dute parte debate honetan.  PSE-EEko hautagai Arritxu Marañoni ere parte hartzeko gonbitea luzatu zaio, baina uko egin dio. Moderatzaile lanetan Baleikeko zuzendari Gorka Zabaleta arituko da.