Zine karteldegia: 'Calvary' eta 'Home'

Asteburu luze honetan bi pelikula emango dira Aita Mari zinean. Helduentzako 'Calvary' filma irlandarra eta haurrentzako marrazki bizidunen 'Home'.

James apaiza ona da, baina bere eliztar batek sortutako arazo batek egoera arriskutsu batean jartzen du eta zalantzak ditu gainera datorkion kalbarioari aurre egiteko gai izango den. John Michael McDonagh zuzendutako lan honek Brendan Gleeson du aktore bezala eta pederastiaren gaian murgiltzen da.
 
Honako saioak izango dira: ostegun, ostiral, igande eta astelehenean (ikuslegoaren eguna), 19:30ean, eta larunbatean 19:30ean eta 22:15ean.
 
'Home' marrazki bizidunen pelikulako lau saio ere izango dira asteburu honetan: ostegunea, ostiralean, igandean eta astelehenean, 17:00etan.