Prestatu txapelak eta mantalak, zapi koloretsuak eta marradun galtzak, Euskal jai eguna izango da eta ostiral honetan! Goizeko 10:00etan emango zaio hasiera Egunari goiko plazan egingo den baserriko gaien azokarekin eta amaiera norberaren esku izango da.
Hemen duzue Euskal Jai eguneko egitaraua:
10:00etan hasita, Baserriko gaien azoka.
Hala Dzipo txalapartarien saioa.
10:30ean, Hala Gera taldearen alboka eta dultzaina doinuak.
Trikitxas bikotearen saioa.
11:00etan, Inpernupeko joareen ekitaldia.
11:30ean, Upela plaza parean, salda.
12:00etan, Sanjuaniturri parean, balkoitik balkoirako bertso saioa: Amets Arzallus eta Unai Iturriaga.
14:30an, herri bazkaria beheko plazan. Txartelak turismo bulegoan daude salgai.
Bazkal ostean, euskal kantak Joxe Mendizabalekin.
18:00etan, plaza bertan Ostolaza eta Narbaizarekin erromeria.
18:30ean, Kalean txarangaren kalejira.
19:00etan, sagardo dastaketa.
23:00etan, kofradian, Bide Batez taldearekin erromeria.