Plentzia Traineru Baltza Arraun Klubak antolatutako estropada 17:00etan hasiko da. 3.500 metroko distantzia egin beharko dute, lau luzetan, hiru ziabogarekin.
Parte hartuko duten traineruak hiru txandatan banatuko dira, eta La Salve Ligako orain arteko sailkapenaren arabera banatuko dira. Zumaiako trainerua bigarren txandan arituko da Plentzia, Mundaka eta Pontejosekin batera.
Ligako zortzi jardunaldi jokatuta, Zumaia sailkapeneko bosgarren postuan dago 49 punturekin. Fortuna Donostiako trainerua da liderra.